Sut i ymgeisio am nawdd
Nid oes gennym ffurflen gais, a hyn yn fwriadol, gan fod pob cais yn wahanol. Ysgrifennwch atom gan egluro
rhinweddau eich prosiect chi. Mae angen peth gwybodaeth arnom a fydd o gymorth i'r Ymddiriedolwyr wneud
penderfyniad. Felly, os yn bosibl, a wnewch chi gynnwys y canlynol os gwelwch yn dda:
- enw'r mudiad neu'r unigolyn
- enw'r person i gysylltu a fo/hi am y cais
- cyfeiriad i ohebu, rhif ffon a chyfeiriad e-bost, os yw ar gael
- os yw'r mudiad yn elusen gofrestredig
- pwrpas a nod y mudiad, neu eich nod chi os mai unigolyn ydych
- beth yw maes gweithgaredd eich mudiad
- graddfa cyfanswm ariannu eich prosiect
- swm y nawdd a geisiwch gan yr Ymddiriedolaeth
- ffynonellau nawdd eraill yr ydych wedi ymgeisio amdanynt
- cynigion nawdd eraill yr ydych wedi eu derbyn
- ffynonellau nawdd eraill y gwyddoch amdanynt ond nad ydych wedi ymgeisio amdanynt eto
- a ydych yn bwriadu chwilio am nawdd cyfatebol i'r wobr a gewch gan yr Ymddiriedolaeth
- fyddai unrhyw wobr gan yr Ymddiriedolaeth yn disodli ffynonellau eraill o nawdd
- pa weithgareddau y mae'r mudiad neu'r unigolyn yn ei wneud i godi arian
- pa wahaniaeth y byddai derbyn nawdd gan yr Ymddiriedolaeth yn ei wneud i'ch mudiad, neu i chi
- yr ardal a fyddai'n elwa o unrhyw wobr a roddir gan Ymddiriedolaeth
Dylai ceisiadau gan fudiadau gynnwys copi o'ch cyfrifon diwethaf a chopi o'ch cyfansoddiad, os yw ar gael.
Anfonwch eich cais i:
Ymddiriedolaeth Peter Saunders,
Blwch Post 67,
Tywyn,
LL36 6AH
